一起與 米奇 米妮 慶祝他們的大日子!

剛剛過去嘅星期一，2013年11月18日，係 米奇、米妮 嘅八十五週年紀念！各位 迪士尼 Fans們選擇咗用咩方式同佢地慶祝呢？我自己就選擇咗入去樂園搵佢地，哈哈！

生日唔可以冇生日禮物架喎！於是，我就事先畫咗一幅畫，再將幅畫印成卡，拎入樂園送俾 米奇、米妮！呢幅畫係展示佢地響首齣動畫《Steamboat Willie 威利汽船》嘅模樣，中間我仲加咗數字「85」！

送出生日卡之餘，我亦邀請佢地響畫作原稿簽上佢地嘅大名！呢篇文章嘅第一張相就係佢地為我簽名嗰陣嘅情景，響到要特別多謝當日嗰位演藝人員哥哥幫我影咗一幅充滿奇妙嘅相片！

米奇 收到生日卡好開心呢！返入後台嘅途中佢對住我飛吻！

跟住我就同自己嘅 米奇手偶公仔 行到去 幻想世界，我地響 夢想花園 再一次見到 米奇，佢正在同賓客見面，咁我地當然又要去搵佢啦！米奇 今次更加錫咗我隻公仔一啖！

響呢一日，我帶著 米奇手偶公仔 響園內周圍玩，同佢一齊欣賞 迪士尼飛天巡遊，同佢一齊漫步於 聖誕小鎮...  相信，佢都過咗一個非常難忘嘅生日！

華特迪士尼先生 曾經講過：「It was all started by a mouse. 一切都是由一隻老鼠開始。」如果冇 米奇老鼠，就唔會有今時今日嘅 迪士尼 王國。每次入園玩，響正門見到大大個 米奇花圃，就會令我諗起呢隻老鼠嘅重要性！

響過去嘅八十五年，米奇 帶過好多歡樂俾不同嘅小朋友，以及不同依然充滿純真嘅大朋友。佢就好似象徵著奇妙，將魔法散播再每一個地方。我深信，米奇 嘅故事將會不斷延續落去！